Næstu námskeið

Fyrsta námskeið Knattspyrnuskóla Íslands hefst í vetrarfríinu þann 24. október og stendur yfir í fimm daga. Hvert námskeið er einn klukkutími á dag fyrir hvern hóp. Við munum bjóða upp á tvo hópa: annar hópurinn er fyrir iðkendur í 7. og 6. flokki en hinn hópurinn er fyrir iðkendur í 5. og 4. flokki. Æfingarnar fara fram milli 10:00 - 11:00 og 11:00 - 12:00.

Námskeiðin verða haldin á Hlíðarenda þar sem krakkarnir munu njóta æfinganna í frábæru umhverfi. Gestaþjálfarar á fyrsta námskeiði Knattspyrnuskólans eru stjörnur úr Bestu deildinni; Danijel Dejan Djuric, leikmaður Víkings, Benoný Breki Andrésson, leikmaður KR og Ísak Snær Þorvaldsson, leikmaður Breiðabliks. Þeir munu deila sinni reynslu og veita þjálfun sem mun hvetja leikmennina til dáða. Við hlökkum til að sjá ykkur á námskeiðinu!